Samtal við framandi – bókakynning

Pétur Björgvin Þorsteinsson, djákni í Glerárkirkju er að gefa út bók sem kemur út 15. apríl um afar áhugavert efni. Bókinni, sem heitir “Samtal við framandi…” er ætlað að verða innlegg í umræðuna um viðhorf til trúmála á Íslandi. Hún byggir á meistararitgerð höfundarins frá félagsvísindadeildinni í Háskólanum á Bifröst og reynir að kanna hvaða hugmyndir tvítugir
Íslendingar geri sér um fjöltrúarlegar aðstæður, verkefni, vandamál og hugsanlegar lausnir, hvað móti hugmyndirnar, hafi áhrif á þær eða breyti þeim og margt fleira.

Ágrip um bókina má finna hérna og kynningu á bókinni í PDF skjali má finna með því að smella á bókakápuna hér til vinstri.

Trúmál.is hvetur alla sem áhuga hafa til að kynna sér þessa bók, en hægt er að panta hana hjá höfundinum Pétri Björgvini Þorsteinssyni í gegnum netfangið: petur.thorsteinsson(hjá)internet.is

Bók vikunnar hjá Glætunni

Bókakaffið Glætan hefur reglulega kynnt bók vikunnar á útvarpsstöðinni Lindinni og okkur er það heiður hér á Trúmál.is að taka þátt í því að kynna góðar og uppbyggilegar kristilegar bækur sem eru til sölu í bókakaffinu. Hér að neðan má sjá stutta en mjög áhugaverða kynningu á bók vikunnar sem að þessu sinni heitir Ljós á dimmum degi og er eftir franska prestinn Paul Geres. Það þarf vart að taka það, fyrir þá sem áhuga hafa að bókin fæst á góðum kjörum í Glætunni.

Bókin var gefin út í íslenskri þýðingu Hreins S. Hákonarsonar árið 2006 og var það Skálholtsútgáfan sem gaf bókina út. 

Í formálanum segir m.a. “ Öll þekkjum við daga sem eru dimmir og óbærilegir.  Daga þegar þjáning virðist draga úr okkur allan þrótt.  Hún ein ríkir í huga okkar og vill hvergi hopa.  Okkur finnst jafnvel að líðandi stund hafi samsamast þjáningunni.

Á slíkum dögum getur verið erfitt að hitta vini sína,

Náð fyrir augnablikið

Höfundurinn Max Lucado hefur gefið út margar góðar kristilegar bækur. Meðal þeirra er bókaröð sem kallast Grace for the moment, sem gæti útlagst á íslensku “náð fyrir augnablikið”. Þar eru stuttar hugleiðingar og vers fyrir hvern dag ársins sem er gott og hughreystandi að lesa. Hér fylgir íslensk þýðing á hugleiðingunni fyrir daginn í dag:

Þegar kemur að því að hvíla sálina þína, er enginn staður eins og Hið Mikla Hús Guðs. “Eins hef ég beðið Drottin”, skrifaði Davíð, “það eitt þrái ég, að ég fái að dveljast í húsi Drottins alla ævidaga mína. Til þess að horfa á yndisleik Drottins, ég mun nema við fætur hans. Það er eini hljóðláti öruggi staðurinn í hávaðasömum heimi.” (Sálm. 27:4-5 með aðlögunum að ensku þýðingunni MSG).

Ef að þú myndir biðja Guð um eitthvað eitt, hvað myndirðu biðja um? Davíð segir okkur hvers hann myndi biðja. Hann langar að búa í húsi Guðs. Ég legg áherslu á orðið búa, af því að það á áhersluna skilið. Davíð vill ekki bara spjalla. Hann þráir ekki fá sér kaffibolla á veröndinni. Hann biður ekki um máltíð eða að eyða kvöldi í Guðs húsi. Hann vill flytja inn til hans… um eilífð. Hann er að biðja um eigið herbergi…. varanlegt. Hann vill ekki bara vera staðsettur í húsi Guðs, hann vill eiga þar athvarf. Hann vill ekki tímabundna leigu, heldur lífslanga búsetu.

Drottinn, ég elska húsið sem er bústaður þinn og staðinn þar sem dýrð þín býr.
(Sálm. 26: 8 )