Á morgun, laugardaginn 26. mars, verður Vorhátíð KFUM og KFUK haldin á Holtavegi 28 í Reykjavík og í Sunnuhlíð á Akureyri.
Hátíðin hefst kl. 12 í Reykjavík og kl. 14 á Akureyri og mun skráning í sumarbúðir félaganna (Hólavatn, Kaldársel, Vatnaskóg, Vindáshlíð og Ölver) og leikjanámskeið hefjast á sama tíma. Einnig er hægt að nýta sér netskráningu á skraning.kfum.is.
Það verður margt skemmtilegt í boði á vorhátíðinni og má þar m.a. nefna
- Hoppukastala
- Kaffihús
- Veltibíl
- Andlitsmálun
- Húllahringi
- Krakkahorn
- Candy-floss (á vægu verði)
Allir eru velkomnir.
Trúmál.is skrifaði 
Síðastliðinn laugardag hófst skráning í sumarbúðir KFUM og K. Sumarbúðirnar sem um ræðir eru Vatnaskógur, Vindáshlíð, Ölver, Kaldársel og Hólavatn, einnig stendur yfir skráning á leikjanámskeið KFUM og K. Fyrsta skráningardaginn var slegið met þegar 1100 börn voru skráð þennan fyrsta dag og fylltist strax í nokkra flokka. Nú hefur fyllst í fleiri flokka og fer hver að verða síðastur að skrá sig en nýjustu tölur í dag sýna að yfir 1400 börn eru skráð í sumarbúðirnar. Trúmál.is hvetur að sjálfsögðu alla til þess að kynna sér málið hjá KFUM og K og mælum við eindregið með sumarbúðunum! Nánari upplýsingar um skráninguna og sumarbúðirnar má fá á heimasíðu KFUM&K 
Ákveðið hefur verið að sýningar á söngleiknum !HERO verði í Loftkastalanum dagana 6., 8., 14. og 15. mars skv. því sem fram kemur á heimasíðu 
Eitt af öflugustu æskulýðsfélögum landsins býður nú upp á nýjung í ungmennastarfi sínu. KFUM & K hefur frá því í haustbyrjun starfrækt ljósmyndadeild fyrir 16-30 ára. Deildin sem er opin öllum áhugasömum skv. heimasíðu félaganna, er með vikulega fundi á miðvikudögum kl 20-22 á Holtavegi 28. Starf deildarinnar felst í þessum vikulegu samverustundum þar sem fram fer kennsla og umræður um myndavélar, ljósmyndun og ljósmyndir og allt annað sem viðkemur þessu sviði. Leiðbeinandi er Haraldur Guðjónsson. 
