“Heimatrúboð leikmanna fimmtíu ára”

Í gömlu tímaritunum Rödd í óbyggð voru alls konar fréttir og greinar sem voru birtar. Hér er smá sýnishorn úr 23. árg. 1978. Þessi grein var tileinkuð heimatrúboði leikmanna sem stóð fyrir samkomum á sínum tíma og að ýmsu leiti frumkvöðlastarf á Íslandi. Greinin er birt í heild sinni hér að neðan.

Hinn 1. nóvember s.l voru liðin 50 ár frá því, að Ármann Eyjólfsson byrjaði að halda kristilegar samkomur á Njálsgötu 1 í Reykjavík, en þá er talið að starf það, sem síðar fékk nafnið “Heimatrúboð leikmanna” hafi byrjað.

Samkomur þessar vöktu þegar nokkra athygli og bar þar margt til. Það var í fyrsta lagi óvenjulegt að leikmenn, sem stóðu á kenningargrundvelli Þjóðkirkjunnar, hefðu opinberar vakningarsamkomur.

Þolinmæði

Eins og áður hefur komið fram hér á heimasíðunni munu verða birtar hér gamlar greinar úr tímaritinu Rödd í óbyggð. Þar voru alls konar fréttir og greinar sem voru birtar. Hér er smá sýnishorn úr 23. árg. 1978. Þar tók ritstjórn sig til og birti áður óbirta grein frá 1687 eftir þálifandi prest, hann séra Pál Björnsson í Selárdal.

 Þolinmæði eftir séra Pál Björnsson í Selárdal

            Mig fýsir, göfugir menn, að fylgja til húsa ykkar hrelldri og munaðarlausri ekkju, sem nú í mörg ár setið hefur sem einmana í ekkjusæti, síðan missti sinn ektamann, á hvörs bjargálnum sig nært hefur til þessa, og sínar þrjár dætur, eigi án móðs og mæðu, þó frómlega og réttvíslega gefandi þeim alleina sín móðurbrjóst að sjúga, bæði á eyðimörku, öræfum, í borgum og samkundum, á sjó og landi, eldi og vatni, hita og frosti. Stendur hún hér fyrir ykkar augum, fákæn og töturljót, sem von er, bæði af elli og örbirgð, þar svo fáir verða til að sæma hana nú um stundir þeim kyrtli, sem henni væri sómalegt að klæðast á mannamóti.

Röddin e. Sigurð Guðmundsson

Eins og fram kemur undir liðnum “Um Trúmál.is” stendur félagið Rödd í óbyggð að síðunni. En innblásturinn að stofnun þess félags er fengin frá Sigurði Guðmundssyni sem gaf út tímaritið Rödd í óbyggð frá árunum 1953-1980. Margt áhugavert efni er að finna á síðum tímaritsins og margt er þar að finna sem á enn við í dag. Trúmál.is mun reglulega birta einstaka efni eftir Sigurð Guðmundsson sem áður hefur birst í tímaritinu Rödd í óbyggð. Í dag munum við birta 6 erinda ljóð eftir Sigurð sem að mati ritstjórnar gæti allt eins hafa verið ort í gær.

Röddin

 

Víða er andleg eyðimörk,

þó eigi að heita byggð,

og óvinarins spjöll og spörk

þar sprengi hverja dygð.

 

Og Orð Guðs hefur engan sess,

þó eigi að heita trú.

Og margur, jafnvel, minnist þess

að mölétið er bú.

 

Og allt er mælt í aurum hér,

en ekki er gengið hátt,

þá að því gæta einnig ber

að andlegt mat er lágt.

 

Þó boðar Kristur iðrun enn

í öræfum þessa lands,

á erindi við alla menn

um ávöxt kærleikans.

 

Orðið, það er um eilífð raust,

Guðs eilífa hálpar mál,

sem: vetur, sumar vor og haust,

mun vekja hverja sál.

 

Enn kallar röddin, kom til hans

á krossi er háði stríð

og syndir bar þar sérhvers manns

og sorg um alla tíð.

 

Sigurður Guðmundsson

 

Tekið úr Rödd í óbyggð 24. árg. 1.-2. hefti